Git Branch Naming Conventions

Git ဆိုတာ ကွန်ပျူတာအတွက် အလွန် အသုံးဝင်တဲ့ Version Control System တစ်ခုပါ။ တစ်ယောက်တည်း ကုဒ်တဲ့အခါမှတော့ ဘာမှမဖြစ်ပေမယ့် အဖွဲ့လိုက် လုပ်တာဆိုရင်တော့ Git Branch အမည်တွေကို စနစ်တကျ ပေးထားရင် ချစ်စရာကောင်းသလို အလုပ်လည်းတွင်လို့ တကယ်ကို အဆင်ပြေစေမှာပါ။ ဒီတစ်ခုက ကျွန်တော် ပြန်ဖတ်ဖို့ရေးသားထားတာပါ။

အခြေခံ စည်းကမ်း တချို့

• အသေးစာလုံးနဲ့ Hyphen ခွဲပါ: Branch နာမည်တွေကို lowercase နဲ့ရေးပါ။ နှစ်လုံးထက် ပိုတဲ့ စကားလုံးတွေကို hyphen နဲ့ ခွဲပါ။ ဥပမာ - feature/new-login ဒါမှမဟုတ် bugfix/header-styling လိုပေါ့။

• စာလုံးနဲ့ဂဏန်းပဲသုံးပါ: အက္ခရာ (a-z), ကိန်းဂဏန်း (0-9), hyphen (-) တို့ကိုပဲ သုံးပါ။ Punctuation, space, underscore စတာတွေကို မထည့်ပါနဲ့။

• ဆက်တိုက် Hyphen မသုံးပါနဲ့: feature--new-login ဆိုပြီး continuous hyphen တွေပါရင် ဖတ်ရတာ ခက်နိုင်ပါတယ်။

• နောက်ဆုံး Hyphen မပါစေချင်ဘူး: Branch နာမည် အဆုံးမှာ hyphen မပါဖို့ လိုအပ်ပါတယ်။ ဥပမာ - feature-new-login- ဆိုရင် စနစ်မကျဘူးလေနော်။

• ရှင်းလင်းပါစေ: Branch အမည်တွေက အတိုချုံးပြီး အလုပ်ရော အလုပ်အကြောင်းကို ရှင်းလင်းစွာ ဖော်ပြထားပါစေ။

Prefix သုံးဖို့အကြံပြုချက်

Branch အမျိုးအစားကို အမြန်ဆုံး သိနိုင်ဖို့ prefix တွေကို သုံးသင့်ပါတယ်။ အလေ့ကျ Prefix များနဲ့ ဥပမာတွေကို ဖော်ပြထားပါတယ် -

• Feature Branches: အသစ် feature တစ်ခု ဖန်တီးတဲ့အခါ feature/ prefix သုံးပါ။ ဥပမာ - feature/login-system။

• Bugfix Branches: Bug တွေကို ပြင်ဖို့ဆိုရင် bugfix/ prefix သုံးပါ။ ဥပမာ - bugfix/header-styling။

• Hotfix Branches: အရေးပေါ် ပြင်တဲ့ အခါမှာ hotfix/ prefix သုံးရပါမယ်။ ဥပမာ - hotfix/critical-security-issue။

• Release Branches: အသစ် release တစ်ခု လုပ်ဖို့ဆိုရင်တော့ release/ prefix နဲ့သုံးပါ။ ဥပမာ - release/v1.0.1။

• Documentation Branches: Documentation တွေ ဖန်တီးတဲ့အခါ docs/ prefix သုံးပါ။ ဥပမာ - docs/api-endpoints။

Git မှာ Branch နာမည်ပေးပုံစံတွေကို လှလှပပနဲ့ စနစ်တကျပေးထားရင် အဖွဲ့လိုက် အလုပ်လုပ်တဲ့အခါ အလုပ်သွက်စေတဲ့အပြင် မြင်လိုက်တာနဲ့ ဘာအတွက်ဆိုတာကို ရှင်းလင်းစွာ နားလည်စေနိုင်မှာပါ။